Habari | Afya | Makala | Magazeti | Michezo | Burudani | Teknolojia | Mapenzi

Jeshi la Polisi Laichukua Simu ya Zitto Kabwe


Simu ya mkononi ya Kiongozi wa Chama cha ACT-Wazalendo, Zitto Kabwe imechukuliwa na vyombo vya dola kwa uchunguzi dhidi ya tuhuma zinazomkabili.

Zitto ambaye ni Mbunge wa Kigoma Mjini, anatuhumiwa kwa makosa ya sheria ya mitandao na takwimu.

Mbunge huyo leo Jumanne Novemba 7,2017 amefika kitengo cha uhalifu wa makosa ya kifedha kilichopo Kamata, Kariakoo jijini Dar es Salaam kujua hatima yake.

Akizungumza na waandishi wa habari nje ya ofisi hizo, Zitto amesema, ''Nimeambiwa nirudi hapa Novemba 21,2017 lakini wamechukua simu yangu wanadai niliitumia kusambaza taarifa za takwimu nami nimewaachia kwa kuwa wana haki hiyo."

Amesema, "Kwa sasa sitapatikana, watu waliokuwa wananitafuta hawatanipata, kwa hiyo ndio hivyo wameamua wao lakini niwahakikishie tu kuwa mawasiliano niliyokuwa nayafanya yanalinda uhuru wangu wa Kikatiba."

Zitto amesema kabla ya kuwapatia simu walijadiliana kuhusu uamuzi huo lakini mwisho akaona awaachie wafanye wanavyotaka wao.

Amesema upekuzi pia utafanyika katika ofisi za ACT-Wazalendo na haijajulikana utafanyika lini.

Reactions:

Post a Comment

[facebook][blogger]

EYOPAH

MKRdezign

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget